#名牌童裝開倉血拼日
相信好多K3媽媽最近應該都同我一樣非常之唔得閒😹因為一個二個都忙住去小學面試同埋幫佢哋惡補溫習對吧？🤭
不過再忙，我都決定要抽啲時間出嚟去血拼🛍名牌童裝開倉呀！點可以唔去幫小朋友們買番幾套面試戰衣啊？🤣今次第三日先去，所以可能大部份靚野都俾人揀晒🤷🏻♀️（心裏面開始不斷問自己到底早幾日做緊乜？去咗邊？點解唔早啲嚟？🤦🏻♀️）不過算啦！反正呢度都真係好難買得到男仔衫，而今次開倉價錢真係好平，幾乎全場一折！一折！一折！（重要的事情說三次😂）H&M嘅價錢買到大品牌嘅質素，性價比超級勁高！於事到底係我遲咗去定係今次本身靚貨唔夠多我都唔想太深究了🤫6歲男仔恤衫全場只有兩件被我拿下了，精選地執咗幾條褲襯下衫，再順便幫朋友揀咗幾靚我覺得靚嘅女裝，講真！女仔衫真係好多！不過可能我個人對靚嘅比較高😌所以能夠令我出手嘅⋯⋯就只有呢啲！🤷🏻♀️男仔鞋真係好抵買，$90有找就有一對啦！款式仲好百搭易襯添！
最開心係今次媽媽都有收穫，個透明花花💐背包原價$350，折左之後$36咋😭平到喊就是這種！仲要大人細路都用得，重點我之前一直都想搵一個靚嘅透明沙灘袋，而家就出現係我眼前啦😍
今次可能四點幾去，所以埋單嘅時候冇咩人勁快速，相比起上次排隊埋單排咗兩個鐘既恐怖回憶，今次感覺係買得爽嘅！
返到屋企即刻捉住哥哥仔着上身俾我睇吓，粉紅色恤衫配黑色格仔短褲斯文靚仔面試夠晒醒目VS 粉紫色恤衫襯卡其色短褲悠閑舒適充滿渡假風，真係好滿意呀！🤩原來生個仔都可以扮靚扮得好開心🥰多謝哥哥仔配合我擺出各種Pose🤣
聽日又要同佢去面試啦，要早啲瞓了！🌛晚安😴
#實用型敗家 #名牌童裝開倉 #名牌都要買得抵 #性價比高第一天 #血拼日 

Search